Ida Marie Bransfjell Gïelevåhkoen bïjre soptseste: -Kaanne maehtebe vielie dagkerh gïelevåhkoeh öörnedh

Daelie gïelevåhkoe riejries jïh joekoen hijven våhkoe orreme. Gïelevåhkoen doekoe gellieh almetjh gaajhkede lehkeste leah viehkiehtamme gïelide lutnjedh. Daennie dajvesne aaj jeenje heannadamme jïh iktedæjja åarjelsaemien reeremedajvesne, Ida Marie Bransfjell, jeahta ahte Gïelevåhkoe öövre vihkeles orreme åarjelsaemiengïelem jïh kultuvrem lutnjedh.

Iktedæjja åarjelsaemien reeremedajvesne, Ida Marie Bransfjell. Guvvie: Jïjtje

-Gïelevåhkoen mænngan mijjieh libie buerie moenedimmieh åådtjeme. Dah moenedimmieh vuesiehtieh ahte almetjh sïjhtieh vielie dagkerh öörnemh utnedh. Kaanne maehtebe vielie dagkerh gïelevåhkoeh öörnedh, juktie gaajhkesh dovnesh sïjhtieh dam öörneme utnedh, iktedæjja åarjelsaemien reeremedajvesne, Ida Marie Bransfjell jeahta.

Ida Marie aaj jeahta vihkeles ektesne Gïelevåhkoen bïjre barkedh. Jeahta vihkeles raasten rastah ektesne barkedh, juktie saemieh leah njieljie ovmessieh laantine. Bransfjell aaj jeahta båetije biejjide sæjhta v.g. vielie ektine dej saemiejgujmie Sveerjeste barkedh.

-Juktie Gïelevåhkoe lij dagkeres nasjovnaale ektiebarkoe jïh manne håhkesjem mijjieh maehtebe sinsitneste lïeredh. Minngeben aejkien håhkesjem jeenebh almetjh mejtie eah leah saemieh aaj sïjhtieh vielie viehkiehtidh mijjen gïelem jïh kultuvrem lutnjedh. Mohte tuhtjem Gïelevåhkoe lij hijven aalkoe mij maehtebe vielie båetije jaepide barkedh, Ida Marie Bransfjell jeahta.

Ida Marie aaj jeahta gaajhkesh dovnesh siebriedahkesne joekoen dïedte utnieh saemiengïelem jïh kultuvrem lutnjedh. Gïelevåhkoe lij joekoen hijven juktie dillie åadtjoejimh saemiengïelide fïerhten biejjien vuejnedh, govledh jïh lohkedh. Ida Marie aaj jeahta tuhtjie vihkeles ahte maanah jïh noerh åadtjoeh dej gïelh soptsestidh. Jïh ahte stoerre-siebriedahke vuesehte lea vihkeles gïelide lutnjedh.

Datne leah åajaldehteme HUNTem vaestiedidh? Rætnoe minngemes biejjie maahtah vaestiedidh!

Sïjhth viehkine årrodh vihkeles healsoedotkeminie mij maahta buerebe jieledem gellide almetjidie vedtedh? Rahkan 15. biejjien ts. 15.00 lea minngemes biejjie åadtjoeh HUNTem vaestiedidh.

Mij HUNT Trööndelagesne
HUNT, healsoegoerehtimmie Noerhte-Trööndelagesne daelie abpe Trööndelagese væjrene.
HUNT lea akte dejstie veartenen stööremes årrojegoerehtimmijste jïh akte mijjen
vihkielommes gaaltijijstie juktie daajroem almetjehealsoen bïjre Nöörjesne åadtjodh. Daate
healsoegoerehtimmie sæjhta vihkeles daajroem vedtedh healsoen, jieledekvaliteeten jïh
jieledetsiehkiej bïjre, jïh orre daajroem vedtedh jïh buerebe almetjehealsoepolitihkem jïh
radtjoesåbpoe healsoedïenesjh evtiedidh båetijen aejkien.

Mijjieh dov viehkiem daarpesjibie – meatan sjïdth HUNT:sne
Golken/rahkan akte stoerre healsoegoerehtimmie dorjesåvva gaajhkesidie mah leah bijjelen 18 jaepien båeries jïh Trööndelagen åarjelraedtesne årroeh. Datne leah bööredimmiem gihtjemegoerine ektine åådtjeme goh sms jallh påastesne, jïh mijjieh gegkiestibie datne sïjhth bielietæjmoem nuhtjedh vaestiedidh.

Viehkiem daarpesjh HUNT:em vaestiedidh? Dellie maahtah viehkiem åadtjodh mijjen viehkiedïenesten luvnie. Daesnie praktihkeles viehkiem åadtjoeh gihtjemegoerem dov vaestiedassigujmie dievhtedh jih dam deelledh:

Hoksehtimmiekontovre, Bergmannsgata 23, Røros
• Gaskevåhkoen, golken 23. jïh 30. b. ts 12.00 raejeste 14.00 raajan
• Gaskevåhkoen, rahkan 6. jïh 13. b. ts. 12.00 raejeste 14.00 raajan
• Daesnie maahtah aaj PC:m löönedh juktie meatan årrodh goerehtimmesne
Praahken byjjenimmie- jïh voengejarnge, Borgosveien 2, Praahke
• Gaskevåhkoen, golken 23. b. ts. 12.00 raejeste 14.00 raajan
• Gaskevåhkoen, rahkan 6. b. ts. 10.00 raejeste 14.00 raajan
Viehkie gåetesne
Maahtah viehkiem åadtjodh gåetesne jis ih buektehth Rørosen jallh Praahken gåajkoe vuelkedh.
• Ringkh 72 41 94 00 juktie latjkoem darjodh viehkien bïjre gåetesne.

Rahkan 15. biejjien ts. 15.00 lea minngemes biejjie åadtjoeh HUNTem vaestiedidh. Skodth varki vaestiedidh!

Sïjhth vielie daejredh?
Sïjhth vielie daejredh HUNT:n bïjre, jeatjah goerehtimmiej bïjre HUNT:n tjïrrh jïh guktie HUNT:n materijaale dotkemeprosjektine åtnasåvva? Mijjen nedtesæjrojne jienebh bïevnesh aarebi HUNT-goerehtimmiej jïh dotkemesaerniej bïjre gaavnh jïh bïevnesh dotkijidie.