NRK Sápmi lea göökte orre åarjelsaemien journalisth åådtjeme: Ailin Danielsen jïh Emmi Danielsen

Emmi Danielsen jïh Ailin Danielsen lægan aadtjegh aalkeme journalistine barkedh. Juktie gåabpatjahkh lægan aalkeme NRK Sápmesne barkedh jïh dah guaktah aaj edtjijægan ektesne barkedh. Mohte læjhkan dej guaktah leah ovmessieh barkoeh.

Juktie Emmi multi-meedijinie barka. Satne edtja ovemessieh saemien artihkelh gaskevïermesne tjaeledh jïh vuejnedh mij åarjel-saepmesne heannede. Emmi jeahta redaktövre NRK Saepmesne sutnjien ringki jïh jeehti satne byöri syökedh.

-Voestegh ussjedim daate barkoe ij leah madtjan munnjien, mohte mænngan dillie ussjedim sïjhtim pryövedh. Juktie im leah aarebi journalistine barkeme, mohte lyjhkem jïjtjemem haestedh, Emmi Danielsen jeahta.

Emmi aaj jeahta veanhta onnetje geerve sjædta åarjelsaemiengïelesne tjaeleedh, juktie guhkies tæjmoe vaaseme lea saemiengïelem provhkeme. Mohte båetije biejjide Emmi jeahta veanhta luste sjædta journalistine barkedh.

Ailin Danielsen aaj lea aalkeme journalistine barkedh, juktie edtja åarjelsadtegem Åarjel Faaroe utnedh. Juste daelie Ailin lea dagkeres vikaare jïh edtja radijovisnie jåvlese barkedh. Ailin lea skïemtjesåjhtere, mohte dïhte lea aalkeme journalistihkine barkeme juktie sïjhtih naa jeatjah darjodh.

-Im leah aarebi journalistihkine barkeme jïh dam aarebi dorjeme. Mohte tuhtjem hijven maahtam mov saemiengïelem provhkedh jïh buerebe sjïdtedh saemiestidh. Manne aaj tuhtjem luste sjædta jeatjah almetjh råakedh, Ailin Danielsen jeahta.

Aaj jeahta tuhtjie buerebe journalistem årrodh goh aarebi veanhteme. Satne aaj jeahta ij rïkti daejrieh mejnie sïjhth jåvlen mænngan darjodh.