Saemiedigkieraerie Henrik Olsen. Guvvie: Åse M.P. Pulk/Saemiedigkie.

230 000 kråvnah åarjelsaemien maanajgærjide

Saemiedigkieraerie lea 2 millijovnh kråvnah saemien litteratuvrese joekedamme. Daan jaepien saemiedigkieraerie lea julev- jïh åarjaelsaemien maanajlitteratuvrem prijoriteradamme, jïh Tröndelagen fylhkegærjagåetie 230 000 kråvnah åådtje maanajgærjide åarjelsaemiengïelese jarkoestæmman.

Saemiedigkie Tröndelaagen fylhkegærjagåetiem girmie åarjelsaemien jarkoestimmien åvteste.

Saemiedigkieraerie Henrik Olsen. Guvvie: Kenneth Hætta / Saemiedigkie.

-Mijjieh libie råajvarimmine åarjelsaemien dajvesne lahkaskamme, gusnie jaepiej bijjeli gellie almetjh leah ovmessie åarjelsaemien maanajgærjide luejhteme, saemiedigkieraerie Henrik Olsen jeahta.

Saemiedigkie lea gellie ohtsemh litteratuvre-aktöövrijste åådtjeme. Gaajhkh ohtsijh leah syökeme 2,85 millijovnh kråvnah åadtjodh.

-Gosse saemiedigkieraerie lea veeljeme medtie 2 millijovnh kråvnah litteratuvrese vedtedh, dellie daate vuesehte gellie litteratuvreohtsemh orreme, saemiedigkieraerie Henrik Olsen (NSR) jeahta.

Ohtsemh joekehtsh jïh heevehtslitteratuvre jïh faagelitteratuvre dovne maanide, noeride jïh geervide.

Fylhkegærjagåetie Tröndelaagesne jïh Árran julevsaemien jarnge laavenjassh åadtjoeh maanajgærjide julev- jïh åarjelsaemiengïelese jarkoestidh.

Litteratuvre noeride joekoen daerpies jïh vihkeles, jïh daan aejkien saemiedigkie aaj sæjhta noeride prijoriteradidh. Thomas Hansen doarjoem åådtje minngemes gærjam The Hunger Games-triologijem jarkoestidh.

Share on facebook
Facebook
Share on twitter
Twitter
Share on linkedin
LinkedIn
Share on google
Google+