Åarjelsaemien learohkh edtjieh filmhfestivaalen kafeem öörnedh

Dah noerh mejtie edtjieh dam kafeem öörnedh. Guvvie: Jenny-Krihke Bendiksen.

Rahkan 7.-10.b. 2019 dle saemien filmefestivaale Røros Kino:sne sjædta: “Raasten rastah: Filmh”. Festivaale dïeves saemien- jïh jeatjah aalkoealmetjifilmijste. Juktie mijjieh åarjelsaemien dajvesne, dle sjïere fokuse åarjelsaemien filmide.

Åarjelsaemien learohkh mejtie 10.klassesne noereskuvlesne lohkeminie aaj daam festivaalem dåeriedieh. Raasten Rastah filmhfestivaalen doekoe dah learohkh edtjieh kafeem öörnedh jïh beapmoeh jïh jovhkemesh doekedh. Dah learohkh jiehtieh tuhtjieh öövre luste dam kafeem öörnedh jïh aaj aavoedieh naanh filmh vuartasjidh. Dah learohkh aaj jiehtieh aavodieh goske maehtieh Sööfe-seeriem vuartasjidh.

Dah learohkh mejtie edtjieh dam kafeem öörnedh leah Sanna Granefjell, Ellinor Bransfjell, Naimi Bransfjell Mattis Haugom Nordfjell jïh Lukas Gaebpien Jensen.

-Manne tuhtjem joekoen hijven mijjieh åadtjobe daennie filmhfestivaalesne barkedh jïh kafeem öörnedh, learohke Naimi Bransfjell jeahta.

Hilde Danielsen lea eejtege jïh aaj Raasten Rastah moenehtsisnie barka. Satne jeahta vihkeles noerigujmie barkedh juktie dah maehtieh laavenjostedh. Juktie lij Raasten Rastah moenehtse maam noeride gihtji jis sïjhtin dåeriedidh kaafeem öörnedh.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest