Luvlege maanagïerte. Guvvie: Tore Østby.

Bïevnesh maanagïerte-eejhtegidie

Almetjehealsoeinstituhte jïh ööhpehtimmiedirektovraate lea daam tjaaleme:

Åvtelen maanagïerth Nöörjesne steegkesovvin ij lij naan åehpies suetiegeerjehtimmie maanaj gaskem maanagïertine. Viertiestamme geerve almetjigujmie vaenie maanah mah suetiem åådtjeme Nöörjesne jïh abpe veartenisnie. Daan mearan vååjnoe goh maanah jïh noerh joekoen vuelege vaahram utnieh skïemtjelassem koronavijrusinie åadtjodh. Daate lea vueliegåbpoe goh jeatjah voejngehtasseskïemtjelasside voejngehtassine mejtie maanah maehtieh åadtjodh, vuesiehtimmien gaavhtan influensa jïh RS-vijruse.

Jearsoe maanide maanagïertesne årrodh

Juktie suetiem gaertjiedidh libie daelie gelliej råajvarimmiejgujmie nïerhkeme maanagïertesne. Boelhken åvtese sïjhtebe lissie veele årrodh hijven suetievaarjelimmiem gorredidh. Men dellie gaajhkesh mijjieh tjoerebe dejnie viehkiehtidh jïh dejtie orre raeride fulkedh. Maanagïertesne sïjhtebe joekoen ååntjestalledh:

  • gïeth bïssedh jïh maanide viehkiehtidh guktie dah hijven gïetebïssemerutijnh lierieh
  • hijvenlaakan sjïekedidh maanagïertesne
  • stååkegaevnieh jaabnan bïssedh
  • lissie jïjnjem ålkone årrodh maanajgujmie tïjjen åvtese
  • unnebe maanadåehkieh utnedh mah leah vihties barkijigujmie ektine

Maanagïerte edtja annje hoksem maanide vedtedh

Edtjebe annje maanaj fysiske hoksedaerpiesvoetem gorredidh jïh hoksedh gaajhkh maanah jearsoesvoetem, ektiedimmiem jïh tråjjem dååjroeh maanagïertesne. Murriedimmie jïh soelkedasse lea annje vihkeles maanide.

Jis dov maana mådtan domtoe

Jis maanan leah skïemtjelassesymptomh, aaj viesjies symptomh, idie edtjh maanagïertese båetedh. Daelie lissie vihkeles maanah leah gåetesne unnemes aktem dygnem mænngan dej eah vielie symptomh. Eejhtegh mej voejngehtassesymptomh, eah edtjh maanide maanagïertese dåeriedidh jallh dejtie veedtjedh. Vaallah gosse eejhtegh jallh naan jeatjebh gåetieguntesne skïemtjelassem koronavijrusinie åådtjeme, edtjede maanagïertese båetedh.
Jis maana skiemtjine sjædta maanagïertesne, tjoerede maanam veedtjedh dan varke gåarede.

Eejhtegh eah byörh maanagïerten sïjse dåeriedidh

Mijjieh pryövebe dan gåhkese gåarede maanide ålkone dåastoehtidh. Maanah byöroeh ålkoevaarjoeh utnedh gosse maanagïertese båetieh.

Aellede stååkegaevnieh meatan vaeltieh gåeteste

Maanah eah edtjh jïjtsh stååkegaevnieh meatan vaeltedh gåeteste. Jis dov maana jïjtse murredskreekem åtna gosse edtja åeredh, maehtede dam meatan vaeltedh. Men lissie vihkeles maana ij dam jeatjah maanagujmie maanagïertesne juekieh.Gïeth bïssedh lea seamma vihkeles gåetesne goh maanagïertesne. Bïssh gïeth åvtelen maanagïertese båetede, jïh dallatjinie gosse gåatan båetede.

Mijjieh haestebe maanah leah vaenie jeatjah maanajgujmie ektine astoeaejkien, jïh byöroeh eeremasth ålkone stååkedidh.

page2image3732290464
Share on facebook
Facebook
Share on twitter
Twitter
Share on linkedin
LinkedIn
Share on google
Google+