Jieliemasseministeere Iselin Nybø håhkesje gellie daaroeh sijhtieh Nöörjesne fealadidh. Guvvie: Marte Garmann

Daan giesien sæjhta jienebh daaroen turisth Nöörjesne

Preessebïevnese reerenasseste

Jieliemasseministeere sæjhta daaroen fealadassem lutnjedh.

-Koronavijruse daaroen fealadassem tjarke dæjpa. Jalhts reerenasse pryövoe fealadassesïeltide viehkiehtidh, daajram gellie sïelth åevriedieh jïh billieh guktie båetije biejjide sjædta, jieliemasseministeere Iselin Nybø jeahta.

Daelie reerenasse raereste ollh fealedh, mohte giesien jieliemasseministeere håhkesje daaroeh sijhtieh dej laantine fealadidh, gosse reerenasse daam jeahta.

Raereste Nöörjesne fealadidh

Koronavijrusen gaavhtan guhkies tijje vaasa goske turisth ålkoelaantijste Nöörjese båetieh. Dannasinie Nybø Innovasjon Norge:m gihtjie mejtie sæjhta daaroen fealadassem daarojde lutnjedh.

-Fealadasse lea joekoen vihkeles jieliemasse mij barkoesijjieh abpe Nöörjesne sjugnede. Mijjen lea tjaebpies skåajjh, vaerieh, johkh jïh jaevrieh, jïh gellie gieltegs attraksjovnh jïh dååjrehtsh. Daelie vihkeles onne jïh stoerre aktöövride Nöörjesne gorredidh, jïh raerestem gaajhkesh dovnesh jïjtje laantesne fealadidh gosse reerenasse jeahta åadtjobe fealadidh, jieliemasseministeere jeahta.

Koronavijrusen mænngan sæjhta fealadassem nænnoestidh

-Daaroeh lyjhkieh Nöörjesne fealadidh juktie 2/3 eejehtalleme-feelemijstie daaroeh Nöörjesne fealadieh. Juktie Nöörjesne mijjieh lyjhkebe voelpi luvnie årrodh, hæhtjose jïh fualhkan mïnnedh. Ålkoelaantesne lyjhkebe hotellesne åeredh jïh restaurantine byöpmedidh. Mijjieh vïenhtebe vielie maahtoe Nöörjen fealadassi bïjre sæjhta eadtjaldehtedh Nöörjesne fealadidh, fealadassedirektöövre Bente Bratland Holm Innovasjon Norge:sne jeahta.

Share on facebook
Facebook
Share on twitter
Twitter
Share on linkedin
LinkedIn
Share on google
Google+