Oline, Cornelia, Nanni, Nina, Kikki, Sara, Torbjørn jïh Connie sijhtieh guesside Erzcheidergaarden:se dåadtoehtidh. Guvvie: Iver Waldahl Lillegjære.

Daelie turisth maehtieh diekie båetedh!

Gaskevåhkoen, snjaltjen 1. biejjien Erzscheidergaarden vihth rïhpeste. Barkijh Erzscheidergaarden:sne jiehtieh giesie doekoe gellie almetjh edtjieh båetedh jijjedidh.

-Gaskevåhkoen raejeste mijjieh Erzsheidergaarden rïhpeste juktie dellie gaajhkesh dovnesh leah bååstede barkose båeteme. Mijjieh daejrebe gellie turisth båetieh jijjedidh jïh dellie tjoerebe vihth rïhpestidh, fïerhtenbeajjetje åvtehke Erzscheidergaarden:sne jïh Vertshuset:sne, Connie Hjelmseth jeahta.

Daenbien barkijh tjåanghkenin rïhpestimmiem soejkesjidh, Hjelmesth jeahta.

-Daenbien voestes tjåanghkoe gusnie gaajhkesh dovnesh ektesne. Daelie naakenh edtjieh bïssedh jïh gaskevåhkose illedh, jïh jurjiehtæjja edtja aeredsbeapmoealternatijide goerehtidh juktie ibie edtjh buffet utnedh. Mijjieh åehpies aeredsbeapmoen dïehre jïh gegkestibie buektiehtibie njaelkies aeredsbeapmoem hoksehtidh. Njaelkies laejpieh Trygstad:ste jïh aaj onnetje baahke beapmoe, dïhte jeahta.

Hjelmseth jeahta onnetje gïjre orreme, mohte almetjh leah jienebe fealadamme goh voestegh bïlli.

-Rovnegs tsiehkie orreme, jïh geerve orreme juktie mijjieh tjoerin gellie barkijh permittereradidh. Vuejnebe gellie almetjh sijhtieh fealadidh jïh daate tsiehkie buerebe orreme goh voestegh ussjedin. Suehpeden 4. biejjien Vertshuset rïhpesti, mohte dillie åadtjoejin 23 tjïehtjelh 38 tjïhtjelistie rïhpestidh, jïh åadtjoejin barre aeredsbeapmoem hoksehtidh. Mohte bearjadahken raejeste åadtjobe abpe Vertshuset rïhpestidh jïh aaj åadtjobe gaskebiejjiebeapmoem hoksehtidh, dïhte jeahta.

Share on facebook
Facebook
Share on twitter
Twitter
Share on linkedin
LinkedIn
Share on google
Google+