Tjïeltedåaktere Ánne Lájla Westerfjell Kalstad jeahta daate appe joekoen vihkeles suetiem heerredidh. Guvvie: Iver Waldahl Lillegjære.

FHI lea orre appem dorjeme maam suetiem heerrede

Daan biejjien, voerhtjen 16. biejjien FHI lea orre appem luajhteme. Dan appen nomme «Smittestopp» jïh edtja koronasuetiem heerredidh.

FHI lea appem Apple App Store:se jïh Google Play Store:se bïejeme. Daate appe edtja anonyjme daata FHI:se vedtedh guktie almetjh jïh dåehkieh siebriedahkesne svihtjieh. Nimhtie FHI maahta mööledh guktie reeremen råajvarimmieh leah suetiem dïjpeme. Aaj edtjh væhtam åadtjodh jis leah almetjigujmie orreme mejtie leah koronavijrusem åådtjeme.

Tjïeltedåaktere Plassjesne Ánne Lájla Westerfjell Kalstad raereste appem provhkedh jïh nimhtie appen bïjre jeahta:

-Daate appe joekoen vihkeles juktie dïhte radtjoes viehkehte almetjidie gaavnedh mah suetiem utnieh. Dellie mijjieh maehtebe dejtie isoleeredh juktie dah eah maehtieh mubpide almetjidie laanestidh. Daejnie appine mijjieh aaj maehtebe pandemijen evtiedimmie buerebe guarkedh, tjïeltedåaktere Ánne Lájla Westerfjell Kalstad jeahta.

FHI aaj raereste appem provhkedh juktie mijjieh maehtebe suetiem heerredidh.

Share on facebook
Facebook
Share on twitter
Twitter
Share on linkedin
LinkedIn
Share on google
Google+