Gaebpien Hilde Danielsen. Guvvie: Christian Elgaaen.

Gaebpien Hilde Danielsen lea nominereme stoerredigkienlæstosne årrodh

Gaebpien Hilde Danielsen Röörosen tjïelteståvrosne SG:sne tjahkesje jïh daelie satne lea nominereme mubpienkandidaate SG:en stoerredigkienlæstosne Åarjel-Trööndelaagesne årrodh. Jis dïhte Stoerredægkan båata dellie voestes åarjelsaemie mij Stoerredigkesne tjahkesje.

Gaebpien Hilde Danielsen jïh Lars Haltbrekken lægan nominereme stoerredigkienlæstosne årrodh. Guvvie: Christian Elgaaen.

Lars Haltbrekken lea nominereme voesteskanidaate årrodh. Daenbien ajve Haltbrekken mij lea SG:ste Stoerredigkesne Åarjel-Trööndelaageste, mohte Gaebpien Hilde Danielsen jaahka satne stoerredægkan båata.

Gaebpien Hilde Danielsen jeahta garmeres domtoe juktie Trööndelaage SG lea dam nominereme stoerredigkienlæstosne årrodh. Dïhte aarebi jeahteme sov vaajmoe saemien aamhetsi åvteste tsaapma jïh jis Stoerredægkan båata aaj sæjhta saemien aamhtesh lutnjedh.

Dïhte maahta voestes åarjelsaemie årrodh mij Stoerredigkesne tjahkesje.

-Åarjelsaemien gïele Stoerredigkesne lea faamoe. Mijjen leah dåeriesmoerh goh areaale-dasseme, bïegkefaamoeh-bïgkeme, lissietseegkeme jïh nimhtie mejtie bovtsi gåatomidie vaeltieh. Manne jaahkam maehtebe daam saemien maahtoejgujmie gaemhpierdidh jïh jis luhpiem konsesjovnesne jeatjahtehtebe, Gaebpien Hilde Danielsen jeahta.

Jis Gaebpien Hilde Danielsen Stoerredægkan bata dellie dïhte voestes åarjelsaemie mij Stoerredigkesne tjahkesje. Gellie åarjelsaemieh leah pryöveme Stoerredægkan båetedh, mohte ij-gieh leah buektiehtamme.

Nominasjovnemoenehtsen åvtehke, Astrid Kjelsnes, buerkeste Gaebpien Hilde Danielsen goh åarjelsaemien aktiviste mij lea tjïelke gïele åarjelsaemide.

Share on facebook
Facebook
Share on twitter
Twitter
Share on linkedin
LinkedIn
Share on google
Google+