Jenny Fjellheim, Aasta Joma Granefjell jïh Unni Fjellheim lea lïhtsegh Saemien Sijjienïmmhmoenehtsisnie. Guvvie: Jenny-Krihke Bendiksen.

Mïetsken 8. biejjien lea Saemien Sijjienïmmhmoenehtsen govlehtimmien minngemes biejjie

Daenbien snjaltjen 16. biejjien jïh rætnoe mïetsken 8. biejjien, mij lea Saemien Sijjienïmmhmoenehtsen govlehtimmien minngemes biejjie.

Ruffien 5. biejjien ts. 10.00 Saemien Sijjienïmmhmoenehtse pressetjåanghkoem öörni. Tjåanghkosne moenehtse jeehti magkerh sijjienommh dah leah veeljeme govlehtæmman sedtedh. Moenehtsen raerieh edtjieh gaektsie våhkoeh govlehtimmesne årrodh jïh mïetsken 8. biejjien lea govlehtimmien minngemes biejjie.

Daesnie moenehtsen raerieh magkerh saemien nommh dah sijhtieh daejtie sijjide edtjieh åadtjodh:

  • Rossen tjïelte – Røros kommune
  • Plaassja – Røros
  • Gloemege – Glåmos
  • Praahka – Brekken

Moenehtse gegkeste daate govlehtimmie engasjemeentem sjugnede. Daate govlehtimmie ræhpas jïh gaajhkesh dovnesh maehtieh dej mïelide juekedh.

Unni Fjellheim moenehtsisnie tjahkesjeminie jïh jeahta vihkeles prosesse orreme reeremetjïeltine sjïdtedh. Dïhte aaj tjuavkedslaakan båetije biejjide vuajna. Aaj jeahta jååhkesjimmie joekoen stoerre gosse maehtebe gåatan dajvese båetedh jïh skïlhth mijjen gïelesne lohkedh.

Mij lea Saemien Sijjienïmmhmoenehtse?   
- Saemien Sijjienïmmhmoenehtse lea moenehtse Plassjen tjïeltesne mij edtja ovmessie sijjienommh Plassjen dajvesne gaavnedh, digkiedidh jïh govlehtæmman sedtedh. 
- Plassjen tjïelte lea saemien reeremetjïelte jïh vihkeles saemiej nommh daennie dajvesne dokumenteradidh.
 - Saemien sijjienïmmhmoenehtsen voestes tjåanghkoe lij golken 22. biejjien 2019. 
- Moenehtsen lïhtsegh leah Unni Fjellheim, Jenny Fjellheim, Aasta Joma Granefjell, Inge Even Danielsen jïh Lars Aage Brandsfjell. Morten Tøndel lea moenehtsen tjaelije jïh Marit Fjellheim faageles daajroem åtna.
Share on facebook
Facebook
Share on twitter
Twitter
Share on linkedin
LinkedIn
Share on google
Google+