Ole-Henrik Bjørkmo Lifjell lea prosjeektekordinaatore Mental Helse Ungdom:en åvteste jïh daelie lea Mihá-prosjeektine barkeminie. Guvvie: Ole-Henrik Bjørkmo Lifjell jïh Mental Helse Ungdom.

Mihá-prosjeekten bïjre

Mihá-prosjeekte edtja saemien noeri psykiske healsoem goerehtidh.

Ole-Henrik Bjørkmo Lifjell lea prosjeektekordinaatore Mental Helse Ungdom:en åvteste jïh daelie lea Mihá-prosjeektine barkeminie.

Bjørkmo Lifjell jeahta Ij naanh gellie almetjh leah daan bïjre aarebi goerehtamme jïh dan åvteste ibie utnieh naanh gellie råajvarimmieh noere saemide. Dannasinie daate dotkeme sæjhta orre daajroem sjugniedidh. Daejnie daajrojne aaj maehtebe orre konkreete råajvarimmieh noere saemide sjugniedidh.

-Mijjieh daam prosjeektem eelkimh juktie vuejnebe madtege maahtoe saemien åålmegi bïjre, jïh sjïere madtege maahtoe healsoedïenesjinie. Juktie geerve viehkiem åadtjodh giestie akt mejtie saemien daajroem utnieh, Ole-Henrik Bjørkmo Lifjell jeahta.

Ole-Henrik Bjørkmo Lifjell lea prosjeektekordinaatore Mental Helse Ungdom:en åvteste. Guvvie: Ole-Henrik Bjørkmo Lifjell.

Bjørkmo Lifjell aaj jeahta daate prosjeekte aaj vihkeles juktie healsoe-apparaate saemien noeride ij leah dan buerie goh sïjhtebe, jïh dah sijhtieh daam bueriedidh. Daan prosjeekten mænngan dah sijhtieh rapportem saemien noeri psykiske healsoen bïjre tjaeledh. Bjørkmo Lifjell jeahta dah edtjieh daam rapportem golme saemien gïelereeremetjïeltine luejhtedh. Dah aaj edtjieh rapportem nasjovnaale luejhtedh.

Ole-Henrik Bjørkmo Lifjell jeahta daate Mihá-pryövenasse lea anonyjme jïh saemien noerh mah leah 16-31 jaepien båeries maehtieh dåeriedidh.

-Mijjieh håhkesjibie gellie saemien noerh sijhtieh dåeriedidh jïh daam Mihá-goerehtimmiem juekedh. Håhkesjem dah mejtie eah sïjhth dåeriedidh maehtieh daam Mihá-prosjeektem viermesne juekedh juktie gellie maehtieh dåeriedidh. Jallh lea hille göökte leahpah Márkomeannu-festivaalese 2021 vitnedh.

Share on facebook
Facebook
Share on twitter
Twitter
Share on linkedin
LinkedIn
Share on google
Google+