Rætnoe maehtebe «Jikŋon II» (Frost II) Røros kinosne vuartasjidh mearan saemiengïelem goltelibie

Guvvie: THE WALT DISNEY COMPANY NORDIC

Goeven 15. biejjien ts. 15.30 mijjieh maehtebe fïlmem «Jikŋon II» (Frost II) Røros kinosne vuartasjidh mearan saemiengïelem goltelibie.

Gellie almetjh geerjene sjidtin gosse Walt Disney jeehti «Jikŋon II» aaj edtja noerhtesaemiengïelesne årrodh. Fïlmen produseente, Peter del Vecho lea aarebi jeahteme tuhtjie luste Saemiedigkigujmie Nöörjesne, Sveerjesne jïh Såevmesne, jïh Saemieraerine barkedh jïh laavenjostedh. Satne aaj lea «Jikŋon I» (2013) dorjeme jïh jeahta «Jikŋon II» aaj inspirasjovne saemien siebriedahkeste åtna.

Daan våhkoen dellie dah mejtie fïlmesne saemiestieh aaj åadtjoejin Hollywood:ese fealadidh jïh «Jikŋon II»-premierem dåeriedidh.

Saemiedigkien presideente, Aili Keskitalo lea aarebi jeahteme tuhtjie öövre luste jïh satne joekoen gæjhteles dah saemien maanah åadtjoeh dam fïlmem dej ietniengïelesne goltelidh. Mijjieh daejrebe Ella Marie Hætta Isaksen jïh Mikkel Gaup göökte dejstie mejtie edtjieh fïlmesne saemiestidh. Keskitalo aaj jeahta tuhtjie joekoen hijven daate daan jaepien deahpede, juktie daan jaepien, 2019, lea FN’n aalkoeåålmegi gïelejaepie.

Daelie «Jikŋon II» lea noerhtesaemiengïelesne båateme, jïh dellie maehtebe onterdidh gåessie «Jikŋon II» aaj åarjelsaemiengïelesne båata?

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest