Röörosen tjïelten mubpien åvtehke Christian Elgaaen. Guvvie: Iver Waldahl Lillegjære.

Röörosen tjïelte: Geerve maanajgïertelohkehtæjjah Svaalese fihkelidh

Röörosen tjïelte tuhtjie joekoen geerve maanajgïertelohkehtæjjah saemien maanajgïertegoevtesasse Svaale fihkelidh. Tjïelten mubpien åvtehke Christian Elgaaen lea prieviem Saemiedægkan tjaaleme gusnie dåeriesmoerem tjïelkesti.

Daate joekoen aalvere dïsse maanajgïertegoevtesasse, jïh mijjen barkose åarjelsaemien gïelem jïh kultuvrem nænnoestidh jïh vaarjelidh, tjïelten mubpien åvtehke Christian Elgaaen prievesne Saemiedægkan tjeeli.

Röörosen tjïelten mubpien åvtehke Christian Elgaaen. Guvvie: Iver Waldahl Lillegjære.

Göökte jaepieh Röörosen tjïelte lea reeremetjïelte orreme. Goevtesisnie Svaalesne Ysterhagaen maanajgïertesne åarjelsaemiengïele edtja voestesgïeline årrodh. Mohte, tjïelte tuhtjie geerve maanajgïertelohkehtæjjah fihkelidh mejtie åarjelsaemiengïelem soptsestieh. Daelie tjïelte lea jeenjebe barkoenuepieh olkese bïejeme jïh tjïelten mubpien åvtehke Christian Elgaaen gegkeste daate illedahkem vaadta.

-Mijjieh gellie barkoenuepieh olkese bïejeme, jïh tjïelte jïjnjem dorjeme barkijh fihkelidh. Tjaktjen raejeste tjïelte ij-gie barkijh Svaalesne utnieh mejtie buektiehtieh iktegisth åarjelsaemiengïelem soptsestidh, jïh daate joekoen håjnoes. Giesie doekoe mijjieh dåeriesmoerine barkebe, mohte daenbien ibie rikti daejrieh guktie tjaktjege sjædta, Elgaaen prievesne Saemiedægkan tjeeli.

Elgaaen aaj jeahta onnetje aelkebe lohkehtæjjah maadthskuvlesne fihkelidh, mohte daerpies jeenjebe lohkehtæjjah fihkelidh mejtie hillem åadtjoeh praktihkeles-pedagogeles ööhpehtimmiem vaeltedh.

Share on facebook
Facebook
Share on twitter
Twitter
Share on linkedin
LinkedIn
Share on google
Google+