Saemiedigkien stoerretjåanghkoe. Guvvie: Saemiedigkie.

Saemiedigkie sæjhta moenehtse- jïh stoerretjåanghkoeh digitaalelaakan tjïrrehtidh

Stoerretjåanghkoen åvtehke Tom Sottinen (Bk). Guvvie: Åse M. P. Pulk/Saemiedigkie)

Saemiedigkien stoerretjåanghkoeståvroe lea moenehtsetjåanghkoeh nænnoestamme jïh ruffien stoerretjåanghkoe edtja digitaalelaakan tjïrrehtidh.

– Mijjieh healsoeåejvieladtji juvnehtimmieh fulkebe. Tjuara jïjnjem soejkesjidh gosse edtja moenehtse- jih stoerretjåanghkoeh tjïrrehtidh, jïh dan åvteste tjoerebe joe daelie nænnoestidh mijjieh edtjebe tjåanghkojde digitaalelaakan tjïrrehtidh, stoerretjåanghkoen åvtehke Tom Sottinen (Bk) jeahta.

Saemiedigkie edtja daelie gaavnehtidh guktie edtjieh digkiedimmielahtesh jïh voteradimmieh tjïrrehtidh.

– Mijjese vihkeles almetjh maehtieh stoerretjåanghkoem fulkedh. Dan åvteste sïjhtebe tjåanghkoem nedtesne seedtedh juktie gaajhkesidie jaksedh, Sottinen jeahta.

Dåehkietjåanghkoeh, moenehtsetjåanghkoeh jïh stoerretjåanghkoe leah våhkoen 24, måantan ruffien 8.b. raejeste duarstan ruffien 11.b. raajan.

Share on facebook
Facebook
Share on twitter
Twitter
Share on linkedin
LinkedIn
Share on google
Google+