Sijhth noereåvtehkinie sjïdtedh? Dåeredh amma noereåvtehke-kuvsjem!

Guvvie: Meerke Krihke Leine Bientie.

Rahkan 29. biejjien raejeste jåvleasken 1. biejjien raajan åadtjoeh noereåvtehke-kuvsjem dåeriedidh jïh lïeredh guktie noereåvtehkinie barkedh!

Gåessie datne leah daam kuvsjem dåeriedamme datne maahtah noereåvtehkinie dov saemien åålmegisnie barkedh. Dellie datne aaj åadtjoeh noereåvtehke saemien skyllemetjåanghkosne viehkiehtidh. Lea Saemien gærhkoeraerie mij daam noereåvtehke-kuvsjem öörnie.

Daan noereåvtehke-kuvsjen aamhtesh leah: Månnoeh Jupmelh, guktie åvtehke årrodh, jïh mij saemien jaahkoeööhpehtimmie lea.

Onnetje vielie noereåvtehke-kuvsjen bïjre:

  • Gåessie: Jaepien 2019, Rahkan 29. biejjien raejeste goeven 1. biejjien raajan. Programmme iehkeden doekoe aalka.
  • Gusnie: Romssesne.
  • 10 noerh maehtieh daam noereåvtehke-kuvsjem dåeriedidh.
  • Tjoerh 16 jaepien båeries jallh båarasåbpoe årrodh.
  • Tjoerh 1000kr maeksedh jis sijhth åvtehke-kuvsjine meatan årrodh. Maahtah gihtjedh jis dov åålmege (menighet) maahta dam maeksedh.
  • Saemien gærhkoeraerie (Samisk kirkeråd) dov fealadimmiem maaksa jïh mijjieh jijjegåårtesem öörnebe.
  • Informasjovne fealadimmien jïh jijjegåårtesen bïjre, maam tjoerh meatan vaeltedh, diett-informasjovne, gaskese-informasjovne (kontaktinformasjon) jïh numhtie åadtjode mænngan dijjieh lidie mijjese beavneme sïjhtede dåeriedidh.
  • Abpe hieljem gaajhkesh dovnesh edtjieh ektesne årrodh, jïh ij gieh åadtjoeh ööhpehtimmiem jïh jijjegåårtesem laehpedh. Maahtah mijjine soptsestidh jis dov leah gyjhtelassh dan bïjre.
  • Jis datne leah jeahteme edtjh noereåvtehke-kuvsjem dåeriedidh, mohte rahkan 15. biejjien mænngan jeahtah ih maehtieh dåeriedidh, dellie tjoerh 550kr maeksedh (jis libie girtie-leahpam åasteme jïh ih leah doktovre-atteste jïh numhtie)
  • Rahkan 15. biejjien lea minngemes biejjie maahtah mijjese jiehtedh sijhth noereåvtehke-kuvsjem dåeriedidh.

Maahtah e-påastese sa976@kirke.no tjaeledh jis sijhth meatan noereåvtehke-kuvsjine meatan dåeriedidh.

Buerie båeteme!

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on pinterest
Pinterest