Rektovre Röörosen jåarhkeskuvlesne Hilde Knudsen. Guvvie: Iver Waldahl Lillegjære.

Sjïere skuvlejaepie

Hilde Knudsen lea rektovre Röörosen jåarhkeskuvlesne, jïh voestes skuvlejaepie orre skuvlesne onnetje jeatjhlaakan orreme goh veanhtadi.

Koronavijrusen gaavhtan Röörosen jåarhkeskuvle aaj tjoeri steegkedh, jïh lohkehtæjjah, learohkh jïh jeatjah barkijh skuvlesne tjoerin digitaale ööhpehtimmie nuhtjedh.

-Lij joekoen rovnegs gaajhide skuvlh jïh maanajgïerth jijjen bïjjelen steegkedh. Dillie ussjedin – Mij daelie edtjebe darjodh? Manne garmeres juktie lohkehtæjjah, learohkh jïh jeatjah barkijh joekoen væjkeles orreme gåeteste barkedh jïh Skype:m nuhtjedh, rektovre Hilde Knudsen jeahta.

Jalhts digitaale skuvleaarkebiejjie evtiedimmiem viehkehte, Knudsen jeahta digitaale ööhpehtimmie ij leah seamma goh ööhpehtimmie skuvlesne, gusnie learohkh jïh lohkehtæjjah maehtieh buerebe gaskestalledh.

Share on facebook
Facebook
Share on twitter
Twitter
Share on linkedin
LinkedIn
Share on google
Google+