Unni Fjellheim raajrosne "Aerpiem". Guvvie: Skjermbilde//NRK.

Tv-programmh åarjelsaemiej bïjre mejtie sïjhth vihth vuartasjidh

Almetjehealsoeinstituhte lea aarebi jeahteme dah sijhtieh mijjieh edtjebe gåetesne årrodh. Naanh aejkien ibie daejrieh maam mijjieh maehtebe jallh sijhtebe gåetesne darjodh. Dannasinie manne leam onne læstoem dorjeme naanh tv-programmh åarjelsaemiej bïjre mejtie sïjhth vihth vuartasjidh.

Aerpiem/Arven (2018)

Aerpiem lea njieljie stuhtjh dokumeentarefïlmh båeries vætnabarkoej bïrje. Dunnie njieljie stuhtjine maehtede jipsedaajhtijine, gjöörtlerinie, gierkietjoehpijinie jïh åarjelsaemien daajhtijinie åahpanidh. Gåalmeden stuhtjesne mijjieh åadtjobe Unni Fjellheim råakedh jïh dejnie åahpanidh. Dïhte sov åssjalommesh vætnan, båatsoen jïh jielemen bïjre soptseste jïh mannasinie vihkeles mijjen aerpiem gorredidh jïh lutnjedh. Mahtede daam NRK:sne vuartasjidh.

Den stille kampen (2013)

Den stille kampen lea dokumentaareraajroe saemiej jielemen bïjre. Njealjeden stuhtjen aamhtese lea gïele jïh daennie stuhtjesne maehtede Marja Helena Fjellheim Mortenson:inie åahpanidh. Marja lea jåarhkeskuvlesne lohkeminie jïh lyjhkoe åarjelsaemiengïelesne laavlodh, joejkedh jïh vuelide darjodh. Dïhte voestes sov fuelhkesne mij maahtah gåetesne årrodh mearan saemienööhpehtimmiem åtna. Juktie dejbeeli dah tjoerin guhkies juhtedh internaateskuvlesne lohkedh. Maehtede daam NRK:sne vuartasjidh.

Mattis Danielsen lea 12 jaepien båeries raajrosne «Mattis og fritida hans». Guvvie: Skjermbilde//NRK

Mattis og fritida hans (1989)

Mattis Danielsen lea 12 jaepien båeries jïh sïejhme skuvlebaernie mij Röörosisnie årroeminie. Dïhte åarjelsaemien baernie jïh båatsoefuelhkeste båata. Daennie onne dokumentaarefilmesne åadtjode Mattis råakedh jïh dejnie åahpanidh. Maethede daam NRK:sne vuartasjidh.

Åtte årstider (2012)

Fuelhkiem Nordfjell Röörosisnie årroeminie jïh båatsojne jielieminie. Båatsoen askh leah 8 askine juekeme; Gijre, gijregiesie, giesie, tjaktjegiesie, tjaktje, tjaktjedaelvie, daelvie jïh gijredaelvie. Daennie raajrosne mijjieh åadtjobe dejgujmie åahpanidh. Daate raajroe aaj maehtede NRK:sne vuartasjidh.

Sørsamer (1979)

Daate raajroe åadtjobe naanh åarjelsaemide råakedh jïh dah soptsestieh guktie lea saemie årrodh. V.g. Gaebpien Gåstan soptseste guktie lij sov nommem målsodh juktie staate dam nænnoesti. Daate joekoen gieltegs raajroe mij vuesehte gellie gæmhpoeh mah leah dallahmasten seamma daelie goh dillie.

Share on facebook
Facebook
Share on twitter
Twitter
Share on linkedin
LinkedIn
Share on google
Google+